ডিস্ট্রিক্টকী মরমদা

ৱাহৌদোক

চুড়াচান্দপুর ডিষ্ট্রিক্ট অসি মণিপুরগী খা-নোংচুপলোম থংবা মায়কৈদা ষ্টেট অসিগী অপুনবা পাক চাউবগী চাদা ২০.৮৯% হায়বদি  স্ক্বার কি:মি: ৪৫৭০ পাক চাউই। মসি ৯৩°১৫’E অমসুং ৯৪°৪৫’E লোঙ্গিচুদ অমসুং ২৪°N  অমসুং ২৪°৩০N লেটিচুদতা শন্দোক্লগা লৈ। ডিষ্ট্রিক্ট অসিনা মণিপুরগী ডিষ্ট্রিক্ট পূম্নমক্তগী পাক চাউবা হেল্লী। ডিষ্ট্রিক্ট অসি অৱাংদা জিরিবাম অমসুং তমেংলোং ডিষ্ট্রিক্ট নোংচুপ্তা বিষ্ণুপুর অমসুং চান্দেল ডিষ্ট্রিক্ট, মখাদা ম্যানমার অমসুং মীজো্রাম অমসুং মনিংদনা অসামগী কাছার ডিষ্ট্রিক্টনা কোইশিল্লী। ডিষ্ট্রিক্ট অসি চীংগী শরূক্না অয়াম্বনি। মণিপুরগী নিংথৌ চুড়াচান্দ সিংহগী মমিং লৌরগা ডিষ্ট্রিক্ট অসি মমিং থোনখিবনি।

লৈঙাকলোন শাগৎপা

চুড়াচান্দপুর ডিষ্ট্রিক্ট অসি ১৯৫৯ দা মণিপুরগী ডিষ্ট্রিক্টশিং অমুক হন্না শেমদোক শেমজিন তৌবদগী মণিপুর সাউথ ডিষ্ট্রিক্ট হায়না খঙনরকখি। অহানবদা মণিপুর অসি ডিষ্ট্রিক্ট অমখক লৈরগা সব-ডিভিজন ১০ থোক্না খায়দোকলম্মী। মণিপুর লৈঙাক্কী ওর্ডর No. 20/39/69-D ১২ নবেম্বর ১৯৫৯ গী মতুং ইন্না ডিষ্ট্রিক্ট ৫ অমসুং সব-ডিভিজন ২৫ থোক্না খায়দোকখি। নোটিফিকেসন অসিগী মতুং ইন্না চুড়াচান্দপুর সব-ডিভিজন অমসুং জিরিবাম সব-ডিভিজনগী চীংগী খুঙ্গং ১৫ মণিপুর সাউথ ডিষ্ট্রিক্টতা তিশিনখি। অদুদগী ডিষ্ট্রিক্ট অসি সব-ডিভিজন ৫ থোক্না হায়বদি – তিপাইমুখ, থানলোন, চুড়াচান্দপুর অৱাং (হৌজিক্না হেঙলেপ), চুড়াচান্দপুর অমসুং থিংহাৎ (হৌজিক্না শিংহাৎ) হায়না খায়দোকখি। অদুদগী ডিষ্ট্রিক্টশিংসিগী ঙমখৈদা খজিক্তং হোংদোক হোংজিন লৈখি। কুমজা ১৯৭২ দা (হৌজিক্না ইম্ফাল ডিষ্ট্রিক্ট) মণিপুর সেন্ট্রেল ডিষ্ট্রিক্টকী জিরিবাম সব-ডিভিজনগী মনুং চনবা খুঙ্গং ১৪বু ডিষ্ট্রিক্ট অসিগী এডমিনিষ্ট্রেটিভ অমসুং রিভেন্যুগী লৈঙাক মনুংদা তিনশিল্লম্মী। কুমজা ১৯৮১ অমসুং ১৯৯১ দা ডিষ্ট্রিক্ট অসিগী চুড়াচান্দপুর সব-ডিভিজনগী চীংগী খুঙ্গং অনি মাঙলম্মী। হায়রিবা খুঙ্গং অনি অসি হান্ননা বিষ্ণুপুর ডিষ্ট্রিক্টকী মনুং চন্দুনা লৈরবনি অদুনা কুমজা ১৯৮৫ দা লৈঙাক্কী খুদোং চানবা বিষ্ণুপুর ডিষ্ট্রিক্টতা চনশিল্লম্মী। মরক্কী মতমদুদা মণিপুর সাউথ ডিষ্ট্রিক্ট হায়বসি চুড়াচান্দপুর ডিষ্ট্রিক্ট হায়না ওনখি। অনৌবা সব-ডিভিজন ৫  হায়বদি – ভানগায়, মুঅলনুঅম, তুইবোং, শঙাইকোৎ অমসুং কাংবাই অসি থবক হৌবদগী, ডিষ্ট্রিক্ট অসি হৌজিক্তি সব-ডিভিজন ১১ অমসুং ত্রাইবেল ডিভলপমেন্ট ব্লোক ১২ লৈরে।

ডিষ্ট্রিক্ট মেজিষ্ট্রেট কম ডিপুতি কম্মিস্নার (ডিষ্ট্রিক্ট কলেক্টর) না ডিষ্ট্রিক্ট অসিগী  মকোকনি। মহাকপু অমুক এডিস্নেল ডিপুতি কম্মিস্নার/এডিস্নেল ডিষ্ট্রিক্ট মেজিষ্ট্রেট অমসুং এসিস্টেন্ট কম্মিস্নার অমসুং মতম মতমগী দরকারগী হাপলকপা ওফিসার অমসুং ষ্টাফশিংনা মতেং পাংঙী। ডিষ্ট্রিক্ট এডমিনিষ্ট্রেসনগী মরু ওইবা মথৌদি, লো অমসুং ওর্ডর ঙাকশেনবা রিভেন্যু এডমিনিষ্ট্রেসন, ইকোনো্মিক ডিভলপমেন্ট অসিনচিংবনি। ডিষ্ট্রিক্ট অসিগী পুন্না সব-ডিভিজন ১১ লৈ মখোয়শিং অদুদি

  1. তিপাইমুখ সব-ডিভিজন
  2. ভঙাই সব-ডিভিজন
  3. থানলোন সব-ডিভিজন
  4. মুঅলনুঅম সব-ডিভিজন
  5. হেংলেপ সব-ডিভিজন
  6. কাংভাই সব-ডিভিজন
  7. চুড়ান্দপুর সব-ডিভিজন
  8. সিংহাৎ সব-ডিভিজন
  9. সঙাইকোৎ সব-ডিভিজন
  10. তুইবোং  সব-ডিভিজন
  11. সাইকোৎ সব-ডিভিজনি

মথক্তা হায়রিবা সব-ডিভিজনশিং অসিগী মথক্তা ত্রাইবেল ডিভলপমেন্ট ব্লোক কয়ামরুম লৈ। ডিষ্ট্রিক্ট অসিগী অতোপ্পা শামুলমলান ত্রাইবেল ডিভলপমেন্ট  ব্লোক কৌবা ত্রাইবেল ডিভলপমেন্ট ব্লোক অমসু লৈ।

হৌজিক্তি চুড়াচান্দপুর ডিষ্ট্রিক্ট অসি অনি থোক্তুনা ফরজোল ডিষ্ট্রিক্ট হায়না সব-ডিভিজন অহুম

  1. তিপাইমুখ সব-ডিভিজন
  2. ভঙাই সব-ডিভিজন
  3. থানলোন সব-ডিভিজন

লৈদুনা খায়দোকখ্রে।

ডিষ্ট্রিক্ট অসিগী ৱেবসাইট অসিনা ডিষ্ট্রিক্ট অসিগী হৌরকফম অমদি করি করি তৌরি হায়বদু উৎলী। কনাগুম্বনা ডিষ্ট্রিক্ট অসিগী থোইদোকপা পাউ-ঈ লৈরবসু হাপচিনবীদুনা অয়েংবশিংদা ঐখোয়গী ডিষ্ট্রিক্ট অসি হেন্না ফজবা অমা ওইনা উহনবদা মতেং পাংবিয়ু।