ডিমোগ্রাফি

কুমজা ২০১১ গী মীকোক থীবগী মতুং ইন্না,

চুড়ান্দপুর ডিষ্ট্রিক্টকী শমলপ্পা ডেমোগ্রাফী

মীশিং/মীকোক

কুমজা ২০১১ গী মীকোক থীবগী মতুং ইন্না ষ্টেট অসিগী অপূনবা মীশিংগী ৯.৫৯% ওইদুনা পুন্না মীশিং ২,৭৮,১৪৩ ওই মসিগী মনুংদা নূপানা ১,৩৮,৮২০ অমসুং নূপীনা ১,৩৫,৩২৩ নি। ডিষ্ট্রিক্ট অসিগী অপূনবা মীশিংদগী সেড্যুল ত্রাইব মশিংনা ৯২.৯৪% অমসুং সেড্যুল কাষ্ট মশিংনা ০.১৬% নি। অদুগা চহী ১০গী মনুংদা হেনগৎলকপা মশিংনা ২০.২৯% নি।

নূপা নূপীগী চাং

কুমজা ২০১১ গী মীকোক থীবগী মতুং ইন্না নূপা ১০০০ দা নূপী ৯৭৫ ওই। অদুম ওইনমক চুড়াচান্দপুরগী সহর অহুম (রেঙকাই, জেনহাং লমকা অমসুং হীল তাউন) দদি ময়ামগা মান্নদনা ১০০৪ ওই।

লাইরিক হৈবগী চাং

কুমজা ২০১১ গী মতুং ইন্না ডিষ্ট্রিক্ট অসিগী লাইরিক হৈবগী চাং অসি ৮২.৭৮% ওইদুনা মণিপুরগী ডিষ্ট্রিক্টশিংগী মনুংদা অনিশুবা মফম কল্লী। মসিগী মনুংদা নূপা লাইরিক হৈবনা ৮৫.৯৭% অমসুং নূপীনা ৭৮.৫০% নি।

 মীশিং কূংবা

ডিষ্ট্রিক্ট অসি মী তাবগী চাংসি য়াম্না নেম্মী হায়বদি স্ক্বার কি:মি: ১দা মীকোক ৬০ ওই। মসিগী মরমদি ডিষ্ট্রিক্ট অসিনা খ্বাইদগী চাউবা ডিষ্ট্রিক্ট ওইবা অমসুং চীংগী লমদম ওইবনা ওইগনি।

টেরাইন

ডিষ্ট্রিক্ট অসিগী অয়াম্বা শরূক খূদীংমক লৈতেম মান্নদবা লৈকূৎ লৈতোং নাইবা চীংগী শরূক্না য়াম্মী অমসুং নাগা চীংগী অৱাং থংবা শরূক অমা ওইনা শাগৎ্লী। মফম অসি অপূনবা পাক চাউবা স্ক্বার কি:মি: ৪,৫৭০গী মনুংদা ৫.৫৭% হায়বদি  স্ক্বার কি:মি: ৩৫৫দি  তম্পাক্কী শরূক্নী। চুড়াচান্দপুরগা হেক থংননা স্ক্বার কি:মি: ২০০মুক ওইগদবা  তম্পাক্কী শরূক অমা লৈ ময়াম্না মসিবু খুগা তম্পাক (ভেলী) হায়না খঙনৈ। মফম অসিদগী খুগা তুরেলনা অৱাংলোমদা চেনখিদুনা মণিপুরগী তুরেলদা তাই। খুগা  তম্পাক অসি মণিপুর তম্পাক্কী মখাথংবরোমদা শন্দো্রকপা শরূক অমসু ওইরিবনি। মসিগী মথক্তা অপিকপা তম্পাক্কী লম খরসু রেহিয়াং, লৈজাংফাই অমসুং তুইলাফাইদা উবা ফংঙী।  হায়রিবা তম্পাকলম অসিদা মণিপুর তুরেলদা ইতিনফম ওইরিবা তুরেলশিং হায়বদি খুগা, তুইলা, তুইলি, লৈমতাক তুইভাই অমসুং বরাক তুরেল চেল্লী। ইরং তুরেলদা তাবা লৈমতাক অমসুং তুইপিলুই তুরেলনা অৱাং পাংনা চেল্লী অদুগা লেমহৌ্রিবা তুরেল অতৈ্না অতৈ তুরেলগুম্না মখা পাংনা চেল্লী। হায়রিবা তুরেলশিং অসি অয়াম্বনা অমগা অমগা মহৌশাদগী খাব্রাংননা অৱাং অৱাং-নোংপোকতগী খা খা-নোংচুপলো্মদা চেল্লী। ইরম খোংলমগী মওংদি মরোং মরোংদগী খাব্রাংনবগী মওং ফাওবা ডিষ্ট্রিক্ট অসিদা উবা ফংঙী।

সোসিও ইকোনোমিক এন্দ কলচরেল প্রোফাইল

ডিষ্ট্রিক্ট অসি চীংগী (ত্রাইব) মখল কয়ামরূম চীন-কুকি-মিজো-জোমী কাংবু হায়বদি থাদৌ, মার, পাইতে, ৱাইফৈ অমসুং জৌ ত্রাইবশিংনা তাই। মখোয়শিংসিগী মথক্তা গাংতে, সিমতে, মিজো, তিদ্দম চিন অমসুং মীতৈ খরসু খুন্দাই।

য়েল্হৌমী নত্তবা অতৈ হায়বদি নেপালি, বিহারি, মারৱারি অমসুং পঞ্জাবীশিংসু তাই। য়েল্হৌমী নত্তবশিংসিগী মরক্তা নেপালিশিংনা শঙ্গো্মগী ললোন-ইতিকতা হৈ শিংঙী অমসুং মারৱারিশিংনা ললোন-ইতিক্কী মরমদা হৈ শিংবগী মমিং চৎলী।

চুড়াচান্দপুর সহরগী  ললোন-ইতিক্কী ওইনদি য়েল্হৌমী খরনা মশাগী ওইবা ললোন-ইতিক হৌদোকচবা অমসুং খরনা সরকারগী লোয়শঙদা থবক তৌবা অসিনা ওই। তশেংনা হায়রবদা সহর অসিগীদি ষ্টেট অমসুং নেস্নেলগী থাক্তা সিভিল পরিক্ষা মায় পাক্লবা মী মশিং খঙদনা লৈরে।