ফোরেষ্ট

প্রোফাইলঃ

সাউদর্ন (চুড়াচান্দপুর) ফোরেষ্ট  ডিভিজন অসি শক ১৯৭৩ হেক লিংখৎপদগী ঙসি ফাওবদা  চুড়াচান্দপুর ডিষ্ট্রিক্টকী মহৌশাগী ইনাক খুল্লবা উমংগী পোত্থোকশিং অসিবু ঙাক-শেনবগা লোয়ননা ডিভিজন অসিনা য়েংশিন্দুনা লাক্লি। ডিভিজন অসিনা উমংগী জগাশিং অসিবু য়াম্না সাইন্টিফিক ওইনা ৱার্কিং প্লান অমগী মখাদা ঙাক শেল্লি। তোঙান তোঙানবা ফুরুপ কয়ানা খুন্দারিবা ম ফম অসিদা চয়েৎনবা থবক অমা পায়খৎপা হায়বসি অরায়বা থবক অমদি ওইদে শীংনবা অমগা লোইননা থবক তৌবা তাবনি। ডিভিজন অসিনা ষ্টেট অমদি সেন্টরগী মশিং লাকঙমদ্রবা স্কিম কয়ামরুম মতম চানা পাইখৎপা ঙম্নাবা চোকথবা  নাইদনা থৱায় হকচাং য়াওনা হোৎনরি। অসুম্না লেপ্তনা চৎথরকপনা ঙসিদি স্কিম অয়াম্বা মীয়ামগী খুত্থাংদা নত্রগা মীয়ামগা খুৎশম্নরগা চৎনবা ঙম্লে।

ডিভিজন অসিনা কন্না হোৎনদুনা মীয়াম্বু অকোয়বগী  ফিভমগী মরমদা  ৱাখল তাহনবা ঙম্লে। চহি চুপ্পা মরু ওইবা  থৌরম কয়া পাঙথোক্তুনা মীয়াম্বু ভাব তাহ ল্লে। ২০১৭-১৮ চহিগী ওইনা পাঙথোকপা মরু ওইবা থৌরম খরগী মমিং মখাদা পীরিঃ

মালেমগী উমংগী নুমীৎ, ২০১৭

মালেমগী উমংগী নুমীৎ অসি চহি খুদিংগী মার্সকী তাং ২১দা পাঙথোকই। ২০১৭ গী অঈনা “ফোরেষ্ট এন্দ এনরজি”  হায়বা থিমদা থানলোন খুঙ্গংদা পাঙথোকখি। থৌরম অদুদা  উ-ৱানা মীওইবদা পীরিবা কান্নবশিং অসিবু হেন্না খঙহন্নবা প্লেটফোর্ম অমা শেম্বনা মরু ওইবা ওইখি। থৌরম অদু মহৈরোইশিং অমদি খুঞ্জাশিংনা শরুক য়াখি। থৌরম অসিগী মরু ওইবা পান্দমদি অথাপ্পা খুঙ্গংদা লৈ্রিবা পাম লৌ উরগা চারিবা অমদি উমংদা তাংলগা হিংলিবা হায়বদি উমংগী পোৎথৎক্না হিংলিবশিং অদুদা পাঙথোক্লিবা থৌরম অদুগী পাউজেল অদু য়ৌহনবনি।

ফোরেষ্ট (কর্ঞ্জবেসন) এক, ১৯৮০ বু খঙহনবগী নোংমগী ওইবা থৌরম

ফোরেষ্ট (কর্ঞ্জবেসন) এক, ১৯৮০ অসি উমংগী জগাশিংগীদমক য়াম্না মরু ওইবা এক অমনি। এক অসি কোনশিল্লিবসি উমংবু য়োকখৎপা অমসুং উমং মৈ থাদোকপা অমসুং অমুক শেমগৎপগা মরি লৈনবা থবকশিংবুনি। এক অসিনা ওর্গানাইজেসন কয়া অমদি ডিভলপমেন্টেল এজেন্সিজ কয়াগী থবক থৌরমদা মমি তাহল্লী। মসিবু ৱাখলদা থম্লগা সাউদর্ন ফোরেষ্ট  ডিভিজননা নোংমগী ওইবা থৌরমদা ফোরেষ্ট (কর্ঞ্জবেসন) এক, ১৯৮০ অসিবু মীয়ামদা খঙহনবগী থৌরম অমা ২০১৭ কী মার্স তাং ২৫দা দো্রকাস মিনি কনরেন্স হোলদা পাঙথোকখি। থৌরম অদুগী টেক্নিকেল সেসন শ্রী এ বোনবিরধাজা সিংহ, IFS (retd) না পীখি অমসুং থৌরম অদুবু ডিষ্ট্রিক্ট লেভেল ওফিসারশিং অমদি খুনগী খুল্লাকপশিংনা শরুক য়াখি।

ৱার্ল্ড এনভাইরোমেন্ট ডেঃ জুন ৫, ২০১৭

ৱার্ল্ড এনভাইরোমেন্ট ডে অসি “কন্নেক্টিং পীপল টু নেচর” হায়বা থিমদা জুনগী তাং ৫দা চহি খুদিংগী পাংথোকই। থৌরম অসিগা মরি লৈননা ২০১৭গী জুন ৫দা উ থাবগী থৌরম অমা খুগা দামগী মনাক্তা লৈবা মাতা খুঙ্গংগী ট্রইভেল মার্টিয়সকী পার্কতা পাঙথোকখি থৌরমদুগী পান্দমদি মীয়াম্বু ঐখোয়না হিংবদা মহৌশাগী খুশেমগা ঐখোয়গা লৈনরিবা মরি অমসুং  হিংমিন্নবগী মথৌ তাবশিং অদুবু খঙহনবনি।