নুঙাইবা মফমশিং

খুগা দাম

খুগা দামগী মনিংগী শক্তম

খুগা ডাম অসি নৌ্না শাবা চুড়াচান্দপুর সহরগী মনাক্তা মখারোমদা লৈবা ডাম অমনি। ডাম অসি কুমজা ১৯৮৩ দগী শাবা হৌখিবনি অদুবু কুইনা হন্না য়েংবিদনা মীরাইদুনা থম্বিখি। কাইনথংদা কুমজা ২০০২দগী অমুক শাবা হৌদুনা কুমজা ২০১০দা সোনিয়া গান্ধিনা ডাম অসি শঙ্গাখি। অদুম ওইনমক ডাম অসি মপূং ফানা থবক হৌদ্রি। ডাম অসি মিটর ৩৮ ৱাংঙী অমসুং মিটর ২৩০ শাংঙী। মফম অসি মহৌশাগী ফজবনা থল্লবা মফম অমা ওইবনা মীয়াম্না লম কোইবা লাকফম অমা ওইবদা নত্তনা মমিং চৎপা পিক্নিক মফম অমসু ওই।

ঙালোই ইশিং চাইবী

ঙালোই ইশিং চাইবী

ঙালোই হায়বা অসি চুড়াচান্দপুরদগী কিলোমিটর ৯ চৎলগা লৈবা অপিকপা খুঙ্গং অমনি। মহাক্কী অশেংবা মমিংদি ঙালোইমোল কৌই। ঙালোই ঈশিং চাইবীনা মরম ওইদুনা খুঙ্গং অসি হৌজিক্তি য়াম্না মমিং চৎপা লম কোইফম অমা ওইরে। অনেম্বা চীংমায়শিং অশং-অমানশিংনসু ঈমায় চোন্না তারক্লিবা ঈশিং চাইবী অসিবু অমুক্কা হেন্না ফজহল্লী। চীংগী অইংবা নামিবা নুঙশিৎকা ইরোইননা অমুবা নূংলক্তা ৱা ৱা চেন্থরক্লিবা অঙৌবা কোঙ্গোল কারবা ঈশিং ময়ামদু য়েংবদা পূক্নীং হূনিংঙাইনি।

ট্রাইবল মিউজিয়ম

ট্রাইবল মিউজিয়ম

ডিষ্ট্রিক্ট অসিদা লৈরিবা ত্রাইবেল ম্যুজিয়ম অসি মফম অসিগী পুৱারীদা খঙবা পাম্বা মীওইশিংগীদমক থম্বা মফমনি। ম্যুজিয়ম অসিনা মফমসিদা করম্না মীওইবনা খুন্দারকপা অমদি মফমসিদা খুন্দারিবশিংগী পুন্সি মহীংনচিংবা খঙহল্লী। ম্যুজিয়ম অসি য়াম্না চাউবমক নত্ত্রবসু ফজ ফজরবা অরিবা মফমসিগী চীংমীশিংগী নাৎকা মরী লৈনবা পোৎলম কয়ামরুম লৈ। মখোয়শিংদুগী মনুংদা, মখোয়গী ফিজেৎ লৈতেং, লাইনিঙ লাইশোনগা মরি লৈনবা পোৎলমশিং, ৱাগী খুৎ-শা হৈবগী পোৎথোকশিং কয়ামুক য়াওরি। মসিগী মথক্তা মখল মখা কয়াগী লিক কোল অমদি খূৎশু খূৎলাই কয়ামুক য়াওরি।

তোংলোন শুরুং

তোংলোন সুরুং

মণিপুর অসি মহাক্কী মহৌশাগী ফজবা অমসুং শুরুংশিংগীদমক মমীং চৎলী। মণিপুরদা লমকোয়বশিংবু পুক্নিং চিংশিনবখক্তা নত্তবা পুৱারীগা মরী লৈনবা অর্কিয়োলোজিষ্টশিংনা মফম অমগী পুৱারী থিবদা য়াম্না মরী শমনহনবা শুরুং কয়ামরুম লৈ। তোংলোন শুরুংশিং অসিসু শিংহাৎ সব-ডিভিজনদা লৈবা চুড়াচান্দপুর ডিষ্ট্রিক্টকী য়াম্না মমিং চৎপা শুরুংশিংনি। শুরুংশিং অসি চীংগী সহর অসিগী নাৎ অমদি পুৱারীগী মরমদা উৎলিবা মরুওইবা পোৎশক অমনি। শুরুংশিং অসিদা হকলগা লৈরিবা অমসুং হকলগা শারিবা পোৎশকশিং অসিনা অঙনবা মতমদা খুন্দারম্বগী মওংশিং উৎলী। শুরুং অসিদা ফংলিবা ময়েকশিং অমসুং হকলগা থমলম্বশিং অসিনা পুৱারী ইবশিংদা মণিপুরগী মমাংঙৈগী ৱারীশিং খঙহনবদা মতেং পাংঙী।