কলচর &হেরাঢেজ

চৎনবী(কলচর) অমসুং অরিবা লন থুম(হেরিটেজ)- চুরাচান্দপুর অসি ভারতকী ষ্টেট অমা ওইরিবা মনিপুরগী খা-নোংচুপ্তা লৈবা স্ক্বার কি:মি: ৪৭৫০না কোনবা ডিষ্ট্রিক্ট অমনী।লমদম অসি মমাঙঙৈ পুৱারীগী মতমদগী হৌনা তোংঙান তোংঙানবা ফূরুপ ৩০ হেনবনা জিও কলচরেল ইনভাইরনমেন্টকী হোংলকপা খেন্নবশিং অদুগা লোয়ননা পূন্না লৈরকলি। তম্পাক অমসুং চীংদা তারিবা মীওই শাগৈ/ফূরুপ ময়াম অসি হৌরকফম মান্নবা থায়না চীংমায়দা লৈরম্বদগী চৎনবী অমা ওইনা লৈহাও লৈবা তম্পাক মখাদা কূমথরক্তুনা লৈখিবা মোঙ্গোলোইদতগী হৌরকখিবশিংনী। নোংপোক অমসুং খা নোংপোকতগী খুলহোংলকপশিংনা চীংগী চীংয়াঙ অমদি তম্পাক্কী তোংঙান তোংঙানবা কাচিন কোয়াদা কাঙলূপ কাঙলূপ চাইথোক্তুনা লৈবা অসিনা মখোয়গী খুন্দা লৈতাফম নাখৈ শেংনা তাকই।
চীংমায়দা শন্দোক্তুনা খুন্দাবা থায়নগী অতোপ্পা কাঙলুপ/ফূরুপশিংনা খুন্দাবগী চৎনবী মওং অমা ওইনা উ ৱা য়ান্থৎলগা মৈ থাদুনা চীংগী লৈপাক লৈহাও শেম্বা অমসুং অতোপ্পা অৱাং নোংপোক্কী কাঙলূপ অমনা ফূরুপ অদুনা মতম কুইনা তুং কোইনা শীজিননবা য়াননবা থাক থাক নাইনা শেম্বগী চৎনবী লৈ।
চীং অনিগী কারক, চীংলক্তা চেনবা তুরেলগী ঈচিন অমসুং তম্পাক্কী লমশিংদা অথোৎপা ফৌ মখলশিং থাই। তমগী লিংথোকপা মখলগী লৌউ মওং অসিনা তুরেল অমসুং পাৎকী মপান্দা তাবা খুনদা লৌ উবা মীগী মশিং অসি য়াম্না চাউনা হেনগৎহল্লী। তুরেল খোঙবান অমসুং তোয়না চৎপা পাৎকী মপান্দা অনানবা উ, ৱা অমদি ইনা শাবা লৈবাক্কী য়ূমশিংনা পরেং পরেং লৈরি অদুগা খা নোংপোক থংবা মী, শা অমদি উচেক ৱায়ানা অমত্তা ওইনা চাক্তারিবা নাকল অশোমদনা অচৌ অচৌবা উপাক্না কাংথক হাবা য়ূম কয়া পাৎথক্তা শারি।
লৈবাক্কী য়ূমশিং অসিগী লূবা নানবা, উ, ৱাচেৎ অমসুং ইনা পূন্দুনা শেম্বা অমত্তা ওইনা ফজবা মশক মওং অসিনা মখোয়গী খুন্নাইগী য়াম্না ফজবা মশক অদু তাকই।
মহৌশানা মীৎয়েংদা নুংঙাইত্রবা লমদম, শেনমিৎলোনগী ফিভম ফত্ত্রবা, পোত্থোক চাথোক মরাং কায়জদ্রবা হিংবদা নুংঙাইবা য়ৌদ্রবা চীংগী ফূরুপ কূন্থ্রা হেনবনা লৈহাও চেনবা তম্পাকপু কোয়শিল্লী। মখোয়বু কনামত্তনা খঙবিদনা মীরক তিলহন্দনা য়াম্না থাপনা মনুং হঞ্জিন্না লৈবনা মরম ওইদুনা মখোয় মশেন অমগা অমগা য়াম্না নকিশিনননা লৈবগী মওংদা লৈহল্লী।অসুম্না মীরক তিনবা ফংদ্রবা অপীকপা তাইবঙ অসিদা মহৌশাগী হেক ওইবা পোৎথোকশিংদি পীরি।মখোয়গী মপুন্সি অসি থবক শূদুনতা লেল্লী।তশেংনা মখোয়গী তাইবঙ অসি য়াম্না পীকই, তঙদু লৈতাদে অমসুং খুদোং থীনিংঙাই ওই। অদুমকপু মখোয়না য়াম্না মথৌনা লৈনা পেন্থোকলবা পুন্সি মহিং অমদা লৈবগুম উই। চহী খূদিংগী ওইনা মপান লমদগী লাকপা ফূরুপশিংগী ওইবা হরাও কুম্মৈ, হাউর হাউরবা চীঞ্জাক্কী নুংঙাইরবা কুম্মৈ, লাইনীংগা মরী লৈননা পাঙথোকপা কুম্মৈ শীন লাঙলিবশিংনা ফূরুপশিংবু পীজ পীথক তৌই। চীংগী অঙম্বা নাপোমদা হন্না হন্না তারিবা শেম্বুংগী খোঞ্জেল, নূপী নূপাশিংনা লাউ খোংবা ঈশৈগী খোন্থাংশিং, ড্রমগী অরাংবা খোঞ্জেল অদুনা মতম পূম্নমক্তা ঈংনা লৈজবা অদুবু নমহৎলী। নোয় নোয় লাউবা ষন্নাউ নত্ত্রগা ফাদুনা থমলবা ষণ লাবা নত্ত্রগা শন্দংগী ককপদা ঙায়রিবা তগৎ তগৎ তেকপা শদূমনা ফূরুপকী হাউর হাউরবা মথেল কয়া লাঙদুনা নুংঙাইরবা ফূরুপকী কুম্মৈ অমা ওইহল্লী।
চুরাচান্দপুরদা খুন্দাবা চীংমীশিংগী পনবা য়াবা হরাউ কুম্মৈশিংদি চবাং কুট, জোমি নামি, কিহোম কুম্মৈ, চপচর কুট, সিকপুই রুওই, জৌতন অসিনচিংবনি। হায়রিবা কুম্মৈশিং অসি হৌজিক্তি চীংমীশিংগী মশাগী ওইবা তোপ তোপ্পা মশক তাকপা অমদি অপূনবগী শক্তম ঙাকননবগীদমক নৌহৌননা অমুক হিঙ্গৎহল্লকপনি।
চীংমীশিংগী খূৎলায় কাঙলোন্দা থাঙ তা অনিমক য়াওই। মখোয়গী শরীৎ শরাৎ তম্বগী মওং অসি মায়কৈ পূম্নমক্তগী লান্দারকপা মতমদা ঙাকথোকপা, তানা থিল্লকপা অমদি থাঙনা য়াল্লকপা মতমদা খীং খীং লাউনা হকচাংবু ঙাকথোকপা হায়বসিদা য়ূম্ফম ওই।মসিনা তাক্লিবদি হকচাংবু য়াংনা অমদি তাশিন্না লৈথোক লৈশিন তৌবা ঙমহনবগা লোয়ননা মশাদা য়াওজরকপা ফন্দোকপা ঙম্বা মতীং অদুনা হকচাংবু ঙম্বমখৈ পাঙ্গল কনখৎহন্দুনা য়েক্নবদা লান্দামবগীদমক শেম শাদুনা লৈ হায়বসিনি।
১৯শুবা চহী চাগী অথেঙবদা চঙলকপা চীংমীশিংবু লাইমিং লৌবিখ্রবা খৃষ্টান লাইনীং অসি মালেমগী ওইবা লাইনীং অমনি। খৃষ্টান লাইনীংনা মনিপুরগী চীংগী লমদা খুন্দারিবা চীংমীশিংবু চাওখৎপগী লম্বীদা পুশিনলকখি।

চুড়াচান্দপুরগী চীংমীশিংগী তোপ তোপ্পা য়ূমশা কৈশা

চুড়াচান্দপুর অমসুং সদর হিলসতা খুন্দাবা চীংমীশিংগী তোপ তোপ্পা য়ূমবু মলাই ইন হায়না খঙনৈ। য়ূমশিগী পাক চউবসি মথংশিৎনা ময়ুংদা মিটর ১১.১০ অদুগা মরাক্তনা মিটর ৪.৩০নি। মসিদা উগী য়ূম্বী, খাঙেন, লোয়খাঙ, অমদি খাঙবু য়াওই। ৱাচেৎনা ঊরা থাদুনা য়ূমগী য়ূমথক্তু ইনা কূপ্পি। য়ূম্বী মখোঙ য়ুংবদা মখা থংবা শরূক্তা উপাকনা কাংথক হাবসি মরু ওই। ৱাচেৎনা শাবা ৱাফকনা য়ূমগী অকোয়বা ফক্লাং খায়। য়ূমগী পুন্থোক পুনশিনগীদমক্তা ঊরী অমসুং পয়া শীজিন্নৈ। ইমুংদা মৈ হৌফম (ফুঙ্গা) লৈ।

মণিপুরগী অসিগুম্বা চৎনবী য়ূমশাসিদা ফংবা নূংদা হক্তুনা ইরম্বা ময়েকশিংগী অশেংবা মশকশিংদু ঐখোয়না উৎখ্রে।অৱাং নোংপোক ভারতকী তোংঙান তোংঙানবা ষ্টেটশিংদা চৎনরম্বা শেলয়েকশিংগী ফোটোগ্রাফশিংসু উৎখ্রে।(অশেংবা শেলয়েকশিংদি কনাগুম্বনা হায়জরকপগী মতুং ইন্না উৎলী)। খা নোংপোক থংবা এসিয়াগী লৈবাকশিংগী শেলয়েক অমশুং চেগী শেলশিংসু য়ূমসিদা উৎলী।

নুঙদা হকপা/মনোলিথ(ফ্যাকসিমাইল):

মনিপুরদা লৈরম্বা নূংদা হকলম্বশিং অসিনা করিগুম্বা পাউজেল খরা পীরি: